БЫХАЎ, горад

Помнік піянеру-герою Марату Казлову ў горадзе Быхаў.

БЫХАЎ

Дата стварэння: 16.06.2023 08:54:12

Дата змены: 01.03.2024 09:13:11


location Google location Yandex

Быхаў (помнік ахвярам фашызму)


Бы́хаў

Горад, цэнтр Быхаўскага раёна Магілёўскай вобласці, прыстань на р. Дняпро. За 49 км на поўдзень ад Магілёва; чыгуначная станцыя (на лініі Магілёў — Жлобін); аўтадарогамі Быхаў звязаны з Магілёвам, Рагачовам, з аўтамагістралямі Магілёў — Гомель і Магілёў — Бабруйск.

З 1924 г. цэнтр раёна.

У 1939 г. у Быхаве было 11 тыс. жыхароў.


У гады Вялікай Айчыннай вайны

Быхаў акупіраваны 5 ліпеня 1941 г.

На ўсходнім беразе Дняпра ў раёне Быхава да 10 ліпеня абарону трымалі часці 187‑й стралковай дывізіі 45‑га стралковага корпуса і 172‑й стралковай дывізіі 61‑га стралковага корпуса 13‑й арміі.

Акупанты загубілі ў горадзе і раёне 9 158 чалавек, у т. л. 5 тыс. чалавек у гета; разбурылі горад.

У Быхаве і раёне дзейнічалі Быхаўскія падпольныя райкамы КП(б)‌Б (7.3.1943 — 24.2.1944) і ЛКСМБ (верасень 1942 — 24.2.1944), партызанскія фарміраванні Быхаўскай ваенна-аператыўнай групы, партызанскія брыгады 5‑я Клічаўская, 8‑я Рагачоўская, 17‑я, 61‑я, партызанскія палкі «Трынаццаць», 15‑ы, 113‑ы, 121‑ы імя А. М. Касаева, 208‑ы імя І. В. Сталіна, 255‑ы, 277‑ы, 537‑ы, асобныя партызанскія атрады 19‑ы, 25‑ы, 100‑ы, 115‑ы, 278‑ы, 538‑ы, 540‑ы, 620‑ы імя В. І. Чапаева, імя Р. І. Катоўскага; выдавалася падпольная газета «Партизан Быховщины».

Быхаў вызвалены 28 чэрвеня 1944 г. воінамі 362‑й стралковай дывізіі (генерал-маёр М. А. Еншын) 19‑га стралковага корпуса (генерал-маёр Д. I. Самарскі) 50‑й арміі 2‑га Беларускага фронту ў ходзе Магілёўскай аперацыі 1944 г.

У Быхаве — брацкая магіла барацьбітоў за савецкую ўладу, савецкіх воінаў і партызан, на якой пастаўлены помнік;

помнік піянеру-партызану Марату Казлову;

мемарыяльныя дошкі ў гонар воінаў-вызваліцеляў, Героям Савецкага Саюза К. I. Арлоўскаму і В. I. Цемчуку.