Ві́тава

Вёска на тэрыторыі Хоцімскага раёна Магілёўскай вобласці, знішчаная нямецка-фашысцкімі акупантамі ў час Вялікай Айчыннай вайны.

Знаходзілася за 2,5 км на захад ад аграгарадка Ліпаўка Вялікаліпаўскага сельсавета. Перад вайной у вёсцы жылі 107 чалавек.

У час карнай аперацыі ў маі 1943 г. гітлераўцы загубілі 9 жыхароў і спалілі вёску (21 двор).

Пасля вайны не адрадзілася.

На месцы вёскі ў 1975 г. пастаўлены мемарыяльны знак.