Памятнік і сімвалічныя надмагіллі на месцы знішчанай гітлераўцамі вёскі Залатухі Докшыцкага раёна Віцебскай вобласці.
Залату́хі
Вёска на тэрыторыі Докшыцкага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 3 км на паўночны захад ад в. Вярэнькі Параф’янаўскага сельсавета. Перад вайной у вёсцы жылі 42 чалавекі.
У час карнай аперацыі 20 сакавіка 1943 г. гітлераўцы загубілі 42 жыхары і спалілі вёску (13 двароў).
Пасля вайны не адрадзілася.
На месцы былой вёскі ў 1975 г. пастаўлены абеліск, які ў 2010 г. быў заменены новым помнікам. Побач устаноўленыя сваякамі ахвяр фашызму сімвалічныя надмагіллі.
