Курган і абеліск на месцы знішчанай гітлераўцамі вёскі Зялёныя Буды Маларыцкага раёна Брэсцкай вобласці.
Зялёныя Бу́ды (Зялёная Бу́да)
Вёска на тэрыторыі Маларыцкага раёна Брэсцкай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася на тэрыторыі Велікарыцкага сельсавета, за 2,5 км на паўднёвы захад ад аграгарадка Чарняны Чарнянскага сельсавета.
У час карнай аперацыі «Трохвугольнік» 9 кастрычніка 1942 г. гітлераўцы спалілі вёску (10 двароў).
Пасля вайны не адрадзілася.
На месцы вёскі ў 1970 г. насыпаны курган, на яго вяршыні пастаўлены абеліск.
Вёска ўвекавечана ў мемарыяльным комплексе «Хатынь».
