Казло́ўцы
Вёска на тэрыторыі Полацкага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 4 км на поўнач ад в. Баркі Азінскага сельсавета. Перад вайной у вёсцы жылі 134 чалавекі.
У час карнай аперацыі ў снежні 1942 г. гітлераўцы загубілі 32 жыхары і спалілі вёску (30 двароў).
Пасля вайны не адрадзілася.
Вёска ўвекавечана ў мемарыяльным комплексе «Хатынь».
