Ла́зараў Бор (Лазаро́ў Бор)
Вёска на тэрыторыі Слуцкага раёна Мінскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася ў Сорагскім сельсавеце. Перад вайной у вёсцы жылі 32 чалавекі.
У час карнай аперацыі ў лютым 1943 г. гітлераўцы загубілі жыхароў (20 чалавек, у т. л. 11 дзяцей), разрабавалі маёмасць і спалілі вёску (8 двароў).
Пасля вайны не адрадзілася.
На месцы вёскі знаходзіцца магіла ахвяр фашызму.
Вёска ўвекавечана ў мемарыяльным комплексе «Хатынь».
