Помнік знішчаным нямецка-фашысцкімі захопнікамі мірным жыхарам вёскі Вялікая Гарожа і пасёлка Май у Вялікай Гарожы Асіповіцкага раёна Магілёўскай вобласці.
Май
Пасёлак на тэрыторыі Асіповіцкага раёна Магілёўскай вобласці, знішчаны нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзіўся ў Вяззеўскім сельсавеце. Перад вайной у пасёлку жылі 57 чалавек.
У час карнай аперацыі 14 студзеня 1943 г. гітлераўцы загубілі 51 жыхара і спалілі пасёлак (17 двароў).
Пасля вайны не адрадзіўся.
Ахвяры фашызму пахаваны ў в. Вялікая Гарожа Вяззеўскага сельсавета разам з загубленымі жыхарамі гэтай вёскі. У 1974 г. на магіле ўстаноўлены абеліск.
Пасёлак увекавечаны ў мемарыяльным комплексе «Хатынь».
