Падра́нда
Вёска на тэрыторыі Гарадоцкага раёна Віцебскай вобласці, знішчаная нямецка-фашысцкімі акупантамі разам з жыхарамі ў гады Вялікай Айчыннай вайны.
Знаходзілася за 3 км на поўдзень ад в. Обаль Віраўлянскага сельсавета. Перад вайной у вёсцы жыў 201 чалавек.
У час карнай аперацыі ў лістападзе 1942 г. гітлераўцы загубілі 70 жыхароў і спалілі вёску (35 двароў).
Пасля вайны не адрадзілася.
Вёска ўвекавечана ў мемарыяльным комплексе «Хатынь».
