Помнік загубленым нямецка-фашысцкімі захопнікамі жыхарам вёсак Пераходы, Беразінец, Жылін Брод, Задоўба, Крушнік, Палікараўка і Фадзееўка Слуцкага раёна Мінскай вобласці на месцы, дзе да Вялікай Айчыннай вайны знаходзілася вёска Пераходы.
Помнік загубленым нямецка-фашысцкімі захопнікамі жыхарам вёсак Пераходы, Беразінец, Жылін Брод, Задоўба, Крушнік, Палікараўка і Фадзееўка Слуцкага раёна Мінскай вобласці на месцы, дзе да Вялікай Айчыннай вайны знаходзілася вёска Пераходы.
Перахо́ды
Вёска на тэрыторыі Слуцкага раёна Мінскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 1,5 км на поўдзень ад в. Жылін Брод Першамайскага сельсавета. Перад вайной у вёсцы жыў 131 чалавек.
У час карных аперацый у лютым і снежні 1943 г. гітлераўцы загубілі 116 жыхароў і спалілі вёску (26 двароў).
Пасля вайны не адрадзілася.
На 24 магілах ахвяр нацызму ўстаноўлены абеліскі.
На месцы былой вёскі ў 1979 г. насыпаны курган; загубленым гітлераўцамі жыхарам вёсак Пераходы, Беразінец, Жылін Брод, Задоўба, Крушнік, Палікараўка і Фадзееўка пастаўлены помнік — скульптура жанчыны ў жалобе.
Вёска ўвекавечана ў мемарыяльным комплексе «Хатынь».
