Стэла на магіле мірных жыхароў вёскі Плігаўкі, якія былі загублены гітлераўцамі ў 1943 г.
Плі́гаўкі
Вёска на тэрыторыі Расонскага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 8 км на паўднёвы захад ад в. Альбрэхтава Альбрэхтаўскага сельсавета. Перад вайной у вёсцы жылі 66 чалавек.
У час карнай аперацыі ў снежні (паводле іншых звестак 12 лютага) 1943 г. гітлераўцы загубілі 35 (паводле іншых звестак 32) жыхароў, у т. л. 9 дзяцей, разрабавалі маёмасць і спалілі вёску (17 двароў).
Пасля вайны не адрадзілася.
На магіле ахвяр нацызму пастаўлена стэла.
Вёска ўвекавечана ў мемарыяльным комплексе «Хатынь».
