Рагачо́ўская вае́нна-аператы́ўная гру́па

Рагачоўская ВАГ, Ваенна-аператыўная група пры Рагачоўскім падпольным райкаме КП(б)‌Б.

Партызанскае злучэнне, якое дзейнічала ў гады Вялікай Айчыннай вайны на акупіраванай тэрыторыі Беларусі (Клічаўскі, Кіраўскі і Бярэзінскі раёны Магілёўскай вобласці і Крупскі раён Мінскай вобласці).

Таксама назва органа кіраўніцтва гэтым злучэннем.

Створана 12 сакавіка 1944 г. у Клічаўскім раёне на базе партызанскага палка 255‑га і атрадаў 252‑га, 257‑га, 259‑га расфарміраванай партызанскай брыгады 8‑й Рагачоўскай.

Рагачоўская ВАГ (у складзе 2 305 партызан) злучылася з Чырвонай арміяй 27 і 28 чэрвеня 1944 г. 

Кіраўніцтва ВАГ: сакратар Рагачоўскага падпольнага райкама КП(б)‌Б I. Ц. Зуевіч, камандзір В. В. Чысцякоў, начальнік штаба М. Ф. Рубіс.