Помнік на брацкай магіле савецкіх воінаў на вуліцы Леніна ў гарадскім пасёлку Вялікая Бераставіца.
Мемарыял Славы ў гарадскім пасёлку Вялікая Бераставіца.
Помнік С. В. Прытыцкаму ў гарадскім пасёлку Вялікая Бераставіца.
Вялі́кая Бераставі́ца
Гарадскі пасёлак, цэнтр Бераставіцкага раёна Гродзенскай вобласці, на р. Бераставічанка. Знаходзіцца за 63 км на поўдзень ад г. Гродна, за 304 км ад Мінска, за 8 км ад чыгуначнай станцыі Бераставіца (на лініі Масты — Бераставіца), на аўтадарозе Гродна — Пагранічны — Ваўкавыск.
У 1940–1947 гг. вёска.
У 1940–1944 гг. у Крынкаўскім раёне.
У 1939 г. у Вялікай Бераставіцы — 1 553 жыхары.
Вялікая Бераставіца акупіравана 23 чэрвеня 1941 г. Ад рук нямецка-фашысцкіх захопнікаў у Крынкаўскім раёне загінулі 634 чалавекі, у т. л. 411 вязняў гета ў Вялікай Бераставіцы, многія з якіх у 1941–1942 гг. былі вывезены ў гета ў г. Крынкі (цяпер Польшча) і іншыя населеныя пункты або ў 1942 г. на станцыю Малкіня (Польшча), дзе былі загублены.
Дзейнічалі Крынкаўскі падпольны райкам ЛКСМБ, партызанская брыгада імя Кастуся Каліноўскага і партызанскі атрад 550‑ы.
Вялікая Бераставіца вызвалена 16 ліпеня 1944 г. воінамі 120‑й гвардзейскай стралковай дывізіі (палкоўнік П. С. Цялкоў) 3‑й арміі 2‑га Беларускага фронту ў ходзе Беластоцкай аперацыі 1944 г.
У сувязі з перадачай Польшчы 20 верасня 1944 г. часткі тэрыторыі Крынкаўскага раёна разам з Крынкамі, цэнтр раёна быў перанесены ў Вялікую Бераставіцу, раён перайменаваны ў Бераставіцкі.
У Вялікай Бераставіцы знаходзяцца:
брацкія магілы савецкіх воінаў, на якіх устаноўлены помнікі;
мемарыял Славы (архітэктар А. А. Казловіч), створаны на брацкай магіле савецкіх воінаў і партызан, у складзе якога скульптура воіна, Сцяна Памяці з прозвішчамі землякоў, што загінулі ў час Вялікай Айчыннай вайны, і Вечны агонь;
помнік С. В. Прытыцкаму.
