«Большэві́к Пале́сся» («Бальшавік Палесся»)

Газета, заснавана ў снежні 1935 г. як орган Арганізацыйнага бюро ЦК КП(б)‌Б, Мазырскага райкама КП(б)‌Б і Арганізацыйнага камітэта ЦВК па арганізацыі Мазырскай акругі. Орган Палескага абкама і Мазырскага гаркама КП(б)‌Б, Палескага абласнога і Мазырскага гарадскога Саветаў дэпутатаў працоўных у перыяд з 30 мая да 1 ліпеня 1941 г.

У час Вялікай Айчыннай вайны з’яўлялася органам Палескага падпольнага абкама КП(б)‌Б і Мазырскага гаркама КП(б)‌Б. Выходзіла ў 1943–1944 гг. у Акцябрска-Любанскай партызанскай зоне. Нумары № 58–87 за 1943 г., № 1–2 за 1944 г. выдаваліся ў г. Мазыр. Вядома 80 (№ 10–87 за 1943; № 1–2 за 1944) нумароў за перыяд з 14 лютага 1943 г. да 5 студзеня 1944 г. на беларускай мове. Агульны тыраж 80 тыс. экзэмпляраў. Рэдактар А.‑Г. Л. Каплан.

Пасля вызвалення БССР выдавалася пад той жа назвай. У канцы лістапада 1952 г. назва змянілася на «Савецкае Палессе». Друкавалася як орган Палескага абкама і Мазырскага гаркама КПБ, абласнога i гарадскога Саветаў дэпутатаў працоўных. Выданне газеты спынена на № 8 за 12 студзеня 1954 г.