Зялёны Гай
Вёска на тэрыторыі Хойніцкага раёна Гомельскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 1,5 км на паўднёвы ўсход ад в. Навасёлкі Судкоўскага сельсавета. Перад вайной у вёсцы жыў 121 чалавек.
У час карнай аперацыі ў чэрвені 1943 г. гітлераўцы (т. зв. баявая група Шымана) загубілі 102 жыхары, у т. л. 32 дзіцяці, і спалілі вёску (25 двароў).
Пасля вайны не адрадзілася.
На месцы вёскі ў 1968 г. пастаўлены абеліск.
Вёска ўвекавечана ў мемарыяльным комплексе «Хатынь».
