ПАРТЫЗАНСКІ АТРАД П. Е. КАЗАНАКАВА

Партыза́нскі атра́д П. Е. Казана́кава

Дзейнічаў у гады Вялікай Айчыннай вайны на акупіраванай тэрыторыі Дрыбінскага і Мсціслаўскага раёнаў Магілёўскай вобласці БССР, Манастыршчынскага і Хіславіцкага раёнаў Смаленскай вобласці РСФСР.

Створаны ў маі 1942 г.

Партызаны абстралялі 2 варожыя эшалоны, разбілі 2 аўтамашыны, разграмілі 5 валасных упраў. Вялі баі каля вёсак Каменка, Войніна Манастыршчынскага раёна, Шамаўшчына Мсціслаўскага раёна, Цёмны Лес Дрыбінскага раёна.

Атрад (44 партызаны) выйшаў у савецкі тыл 30 верасня 1942 г.

Камандзір П. Е. Казанакаў, камісар М. Л. Язычэнка, начальнік штаба А. В. Няфёдаў.