Дата стварэння: 18.05.2024 09:56:15
Дата змены: 28.05.2025 12:04:08
Партыза́нскі атра́д «Нава́тары»
Спецатрад НКДБ БССР.
Дзейнічаў у Вялікую Айчынную вайну на акупіраванай тэрыторыі Баранавіцкай і Беластоцкай абласцей, базіраваўся ў Мастоўскім раёне Баранавіцкай вобласці.
Група (6 чалавек) была закінута ў Ліпічанскую пушчу 12 верасня 1943 г. Папоўнілася мясцовым насельніцтвам. Партызаны падарвалі 27 эшалонаў ворага, разбілі 270 паравозаў і 270 вагонаў. Створана 4 дыверсійныя групы з ліку мясцовага насельніцтва. Праведдзена 68 дыверсій, у т. л. 53 на чыгуначных камунікацыях. Усяго знішчана і паранена больш як 1 100 салдат і афіцэраў праціўніка. Партызаны ўзарвалі чыгуначны мост, лесазавод у г. п. Дзятлава. ІІерадавалі камандаванню Чырвонай арміі звесткі разведкі, вялі работу па разлажэнні салдат варожых фарміраванняў.
Атрад (126 чалавек) злучыўся з Чырвонай арміяй 12 ліпеня 1944 г.
Камандзір У. М. Літвінскі.