Дата стварэння: 17.11.2025 12:24:40
Дата змены: 20.11.2025 15:32:40
|
Клада Амёбазоі Amoebozoa Lühe |
|
Отдел Эўміцэтазоі Eumycetozoa L. S. Olive |
|
Клас Міксаміцэты Myxomycetes G. Winter |
|
Падклас Калумеламіцэты Columellomycetidae Leontyev et al. |
|
Парадак Фізарумавые Physarales T. Macbr. |
|
Сямейства Фізарумавые Physaraceae Chevall. |
|
Род Ангіярыдыум Angioridium Grev. |
Спарангіі Angioridium sinuosum (Bull.) Grev. (фота: Я. Л. Мароз).
Ангіяры́дыум (Angioridium Grev.), род грыбападобных арганізмаў сямейства Фізарумавыя.
У свеце, у т. л. і ў Беларусі, апісаны адзін від: Angioridium sinuosum (Bull.) Grev. Часта выяўляецца падчас вопытаў з «вільготнымі камерамі» на кары, ліставым ападзе і суплоддзях алешыны чорнай, рэштках травяністых раслін.
Спарафоры ў ангіярыдыума — гэта спарангіі або плазмадыяфоры, сядзячыя, адзінкавыя або згуртаваныя, сціснутыя з бакоў, белыя, шэрыя або жаўтлявыя (вышыня 0,7–1,0 мм, даўжыня ад 0,5 мм да 1 см і больш). Перыдый двухслаёвы. Вонкавы слой звычайна тоўсты, абвапнаваны, белы, часам практычна бясколерны ўнізе, аліўкава-карычневы або жаўтлявы. Унутраны слой перыдыю тонкі, бясколерны, парэпаны (больш-менш правільна, усцяж падоўжнай шчыліны). Капіліцый добра развіты, вузельчыкі вялікія, многавугольныя, белыя. Калонкі няма. Споры чорныя ў згуртаванні, цьмяна-фіялетавыя, карычнева-фіялетавыя пры праходзячым святле, раўнамерна арнаментаваныя дробнымі шыпамі. Дыяметр спор 8–10 мкм. Плазмодый шэры, жаўтлявы, светлы або белы.
Субстрат: кара і гнілая драўніна хвойных і ліставых парод дрэў, апалая лістота, ігліца (шыпулькі), рэшткі травяністых раслін.
Гмошинский В. И. Определитель миксомицетов Московского региона / В. И. Гмошинский, Е. А. Дунаев, Н. И. Киреева. – Москва: АРХЭ, 2021.
Систематика и филогения миксомицетов: вчера, сегодня, завтра / Е. Л. Мороз, В. И. Гмошинский, О. Н. Щепин [и др.] // Российский центр научной информации. – URL: https://doi.org/10.31857/S0026364824040018 (дата обращения: 11.12.2025).
World reports of Myxomycetes. – URL: http://www.myx.dk (Date of access: 12.12.2025).
Hyde K. D. The 2024 Outline of Fungi and fungus-like taxa / K. D. Hyde, M. T. Noorabadi, V. Thiyagaraja [et al.] // Mycosphere. – URL: https://doi.org/10.5943/mycosphere/15/1/25 (Date of access: 12.12.2025).
An online nomenclatural information system of Eumycetozoa. – URL: http://www.nomen.eumycetozoa.com (Date of access: 12.12.2025).