Рэспубліка Беларусь (РБ, Беларусь)

Дата стварэння: 24.05.2023 11:46:03

Дата змены: 20.03.2026 09:06:17

Дзяржава ва Усходняй Еўропе.

Тэрыторыя 207,6 тыс. км².

Насельніцтва — 9 млн 156,0 тыс. чалавек (на 1 студзеня 2024 г.).

Рэспубліка Беларусь — унітарная дэмакратычная сацыяльная прававая дзяржава.

Сімваламі суверэннай дзяржавы Рэспубліка Беларусь з’яўляюцца Дзяржаўны сцяг, Дзяржаўны герб і Дзяржаўны гімн.

Сталіца — горад Мінск (1 млн 992,9 тыс. чалавек).

Канстытуцыя Рэспублікі Беларусь прынята 15 сакавіка 1994 г. (са змяненнямі і дапаўненнямі, прынятымі на рэспубліканскіх рэферэндумах 24 лістапада 1996 г., 17 кастрычніка 2004 г. і 27 лютага 2022 г.).

Дзяржаўнымі мовамі ў Рэспубліцы Беларусь з’яўляюцца беларуская і руская мовы.

Дзяржаўны сцяг Рэспублікі Беларусь

Дзяржаўны герб Рэспублікі Беларусь

Дзяржаўны гімн Рэспублікі Беларусь

Словы М. Клімковіча, У. Карызны
Музыка Н. Сакалоўскага

Мы, беларусы — мірныя людзі,
Сэрцам адданыя роднай зямлі,
Шчыра сябруем, сілы гартуем
Мы ў працавітай, вольнай сям’і.

Слаўся, зямлі нашай светлае імя,
Слаўся, народаў братэрскі саюз!
Наша любімая маці-Радзіма,
Вечна жыві і квітней, Беларусь!

Разам з братамі мужна вякамі
Мы баранілі родны парог,
У бітвах за волю, бітвах за долю
Свой здабывалі сцяг перамог!

Дружба народаў — сіла народаў —
Наш запаветны, сонечны шлях.
Горда ж узвіся ў ясныя высі,
Сцяг пераможны — радасці сцяг!