Дата стварэння: 07.07.2025 09:47:15
Дата змены: 24.03.2026 10:38:16
Га́йнаўскі падпо́льны райка́м КП(б)Б
Гайнаўскі падпольны раённы камітэт КП(б)Б.
Дзейнічаў у гады Вялікай Айчыннай вайны на акупіраванай нямецка-фашысцкімі захопнікамі тэрыторыі Гайнаўскага раёна Брэсцкай вобласці.
Створаны ў снежні 1943 г. рашэннем Цэнтральнага камітэта КП(б)Б, дзейнічаў пад кіраўніцтвам Брэсцкага падпольнага абкама КП(б)Б.
Узначальваў падпольную і партызанскую барацьбу супраць нямецка-фашысцкіх захопнікаў, праводзіў палітычную і арганізатарскую работу сярод насельніцтва раёна і партызан.
Базіраваўся ў партызанскім атрадзе «Сцяг» Брэсцкай вобласці.
Друкаваным органам падпольнага райкама з’яўлялася газета «Гайновский рабочий».
Спыніў сваю дзейнасць 10 ліпеня 1944 г.
Сакратар райкама А. Ф. Петракоў (адначасова камандзір атрада «Сцяг»); склад членаў райкама па дакументах не вызначаны.