Курган і памятны знак на месцы былой вёскі Агуркі Верхнядзвінскага раёна, знішчанай разам з жыхарамі нямецка-фашысцкімі акупантамі ў сакавіку 1943 г. у час Вялікай Айчыннай вайны.
Агуркі́
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1 км на поўдзень ад в. Бяляны Асвейскага сельсавета.
Перад вайной у вёсцы жылі 65 чалавек.
У сакавіку 1943 г. падчас карнай аперацыі «Зімовае чараўніцтва» гітлераўцы загубілі 36 жыхароў і спалілі вёску (16 двароў).
Пасля вайны не адрадзілася.
У 1982 г. на месцы вёскі пастаўлены мемарыяльны знак.
Вёска ўвекавечана ў мемарыяльным комплексе «Хатынь».
