Ве́жын

Вёска на тэрыторыі Акцябрскага pаёна Гомельскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.

Знаходзілася за 4 км на поўдзень ад в. Гаць Ламавіцкага сельсавета. Перад вайной у вёсцы жылі 110 чалавек.

У час карнай аперацыі ў лютым 1942 г. гітлераўцы загубілі 70 жыхароў і спалілі вёску (30 двароў).

Пасля вайны не адрадзілася.

На магіле ахвяр фашызму на месцы вёскі ў 1965 г. устаноўлена стэла.

Вёска ўвекавечана ў мемарыяльным комплексе «Хатынь».