Га́ні

Вёска на тэрыторыі Лагойскага раёна Мінскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.

Знаходзілася у Гайненскім сельсавеце. Перад вайной у вёсцы жыў 121 чалавек.

У час карнай аперацыі 3 студзеня 1944 г. гітлераўцы загубілі 121 жыхара і спалілі вёску (15 двароў).

Пасля вайны не адрадзілася.

Вёска ўвекавечана ў мемарыяльным комплексе «Хатынь».