Се́лішча

Вёска на тэрыторыі Акцябрскага раёна Гомельскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.

Знаходзілася за 1 км на поўдзень ад в. Курын Ламавіцкага сельсавета. Перад вайной у вёсцы жылі 107 чалавек.

У час карнай аперацыі ў красавіку 1943 г. гітлераўцы загубілі 95 жыхароў і спалілі вёску (29 двароў).

Пасля вайны не адрадзілася.

На месцы вёскі ўстаноўлены мемарыяльны знак. Вёска ўвекавечана ў мемарыяльным комплексе «Хатынь».