Сму́га
Вёска на тэрыторыі Акцябрскага раёна Гомельскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 2 км на паўночны ўсход ад в. Курын Ламавіцкага сельсавета. Перад вайной у вёсцы жылі 205 чалавек.
У час карнай аперацыі 2 красавіка 1942 г. гітлераўцы загубілі 175 жыхароў, у т. л. 95 дзяцей, спалілі вёску (21 двор) і разрабавалі маёмасць.
Пасля вайны не адрадзілася.
На магіле забітых жыхароў на месцы былой вёскі ў 1964 г. пастаўлена стэла. Вёска ўвекавечана ў мемарыяльным комплексе «Хатынь».
Адамовіч А. М. Я з вогненнай вёскі… / А. М. Адамовіч, Я. А. Брыль, У. А. Калеснік. – Мінск: Мастацкая літаратура, 1983.
Збор помнікаў гісторыі і культуры Беларусі. Гомельская вобласць / Рэдкал.: С. В. Марцэлеў (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1985.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Памяць. Беларусь. Рэспубліканская кніга / Рэдкал.: Б. І. Сачанка (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1995.
Хатынский некрополь: документы и материалы / Редкол.: В. И. Адамушко [и др.]. – Минск: Национальный архив Республики Беларусь, 2014.
Сожжённые деревни Белоруссии, 1941–1944: Документы и материалы / Редкол.: В. И. Адамушко [и др.]. – Москва: Фонд «Историческая память», 2017.
Без срока давности. Беларусь: преступления нацистов и их пособников против мирного населения на оккупированной территории БССР в годы Великой Отечественной войны. Гомельская область: Сборник архивных документов и материалов / Редкол.: А. К. Демянюк [и др.]. – Минск: Национальный архив Республики Беларусь; – Москва: Фонд «Историческая память», 2021.
