Тхарні́ца
Вёска на тэрыторыі Лагойскага раёна Мінскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 2 км на захад ад в. Панышэўшчына Астрошыцкага сельсавета. Перад вайной у вёсцы жылі 43 чалавекі.
У час карнай аперацыі 30 мая 1943 г. гітлераўцы загубілі 43 жыхары, у т. л. 14 дзяцей, і спалілі вёску (18 двароў).
Пасля вайны не адрадзілася.
На месцы трагедыі пастаўлена стэла з памятным надпісам і спісам тых, хто загінуў.
Вёска ўвекавечана ў мемарыяльным комплексе «Хатынь».
