Ду́брава (Дубра́ва)
Вёска на тэрыторыі Віцебскага раёна, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1 км на поўдзень ад в. Прывольная (да 1964 — в. Сапуны) Вымнянскага сельсавета. Перад вайной у вёсцы жылі 144 чалавекі.
У час карнай аперацыі ў лютым 1943 г. гітлераўцы загубілі трох жыхароў і спалілі вёску (33 двары).
Пасля вайны не адрадзілася.
На месцы вёскі ў 1958 г. пастаўлены абеліск.
Вёска ўвекавечана ў мемарыяльным комплексе «Хатынь».
