Заазе́р’е
Вёска на тэрыторыі Шумілінскага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 5 км на захад ад в. Гульбішча Мішневіцкага сельсавета. Перад вайной у вёсцы жылі 50 чалавек.
У час карнай аперацыі ў сакавіку 1943 г. гітлераўцы загубілі 28 жыхароў і спалілі вёску (12 двароў).
Пасля вайны не адрадзілася.
На месцы спаленай вёскі ў 1969 г. пастаўлена стэла.
Вёска ўвекавечана ў мемарыяльным комплексе «Хатынь».