Памятны знак на месцы знішчанай гітлераўцамі вёскі Загор’е Лагойскага раёна Мінскай вобласці.
Заго́р’е
Вёска на тэрыторыі Лагойскага раёна Мінскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 2 км на паўночны захад ад в. Лагаза Гайненскага сельсавета. Перад вайной у вёсцы жыў 101 чалавек.
У час карнай аперацыі 6 ліпеня 1943 г. гітлераўцы загубілі 81 жыхара і спалілі вёску (19 двароў).
Пасля вайны не адрадзілася.
На месцы вёскі пастаўлены памятны знак з прозвішчамі жыхароў, якія загінулі.
Вёска ўвекавечана ў мемарыяльным комплексе «Хатынь».
