Памятны знак на месцы знішчанай гітлераўцамі вёскі Латыгава Верхнядзвінскага раёна Віцебскай вобласці.
Латы́гава (Латы́гаўка)
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 0,5 км на поўдзень ад в. Страдна Асвейскага сельсавета. Перад вайной у вёсцы жылі 66 чалавек.
Гітлераўцы ў ліпені 1943 г. загубілі 44 жыхары, вёску (11 двароў) спалілі.
Пасля вайны не адрадзілася.
На месцы спаленай вёскі ў 1982 г. устаноўлены памятны знак у выглядзе пілона.
Вёска ўвекавечана ў мемарыяльным комплексе «Хатынь».
