Ляві́шча
Вёска на тэрыторыі Слуцкага раёна Мінскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1,5 км ад в. Чырвоная Старонка Сорагскага сельсавета. Перад вайной у вёсцы жылі 63 чалавекі.
У час карнай аперацыі ў лютым (паводле іншых звестак — у студзені) 1943 г. гітлераўцы загубілі жыхароў (45 чалавек, у т. л. 30 дзяцей), разрабавалі маёмасць і спалілі вёску (12 двароў).
Пасля вайны не адрадзілася.
На месцы вёскі ў 1982 г. пастаўлена стэла.
Вёска ўвекавечана ў мемарыяльным комплексе «Хатынь».
