Мурагі́
Вёска на тэрыторыі Ушацкага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1 км на паўночны захад ад в. Малыя Дольцы Вялікадолецкага сельсавета. Перад вайной у вёсцы жылі 32 чалавекі.
У час карнай аперацыі ў чэрвені і ліпені 1943 г. гітлераўцы загубілі жыхароў (32 чалавекі, у т. л. 17 дзяцей) і спалілі вёску (9 двароў).
Пасля вайны не адрадзілася.
На месцы вёскі і на магіле ахвяр фашызму ў 1964 г. пастаўлены стэлы.
Вёска ўвекавечана ў мемарыяльным комплексе «Хатынь».
