Мемарыяльны знак на месцы вёскі Мыльніца (Лагойскі раён Мінскай вобласці), знішчанай разам з жыхарамі нямецка-фашысцкімі захопнікамі.
Мы́льніца
Вёска на тэрыторыі Лагойскага раёна Мінскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 2 км на поўнач ад в. Забярозаўка Швабскага сельсавета. Перад вайной у вёсцы жылі 26 чалавек.
У час карнай аперацыі 13 красавіка 1943 г. гітлераўцы загубілі 25 жыхароў і спалілі вёску (7 двароў).
Пасля вайны не адрадзілася.
На месцы вёскі пастаўлены абеліск.
Вёска ўвекавечана ў мемарыяльным комплексе «Хатынь».
