Ніўё
Вёска на тэрыторыі Расонскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 4 км на паўднёвы ўсход ад в. Шалашнікі Клясціцкага сельсавета. Перад вайной у вёсцы жылі 62 чалавекі.
У час карных аперацый у лютым і кастрычніку 1943 г. гітлераўцы загубілі 17 жыхароў і спалілі вёску (13 двароў).
Пасля вайны не адрадзілася.
На магіле ахвяр нацызму непадалёку ад в. Пірагі Клясціцкага сельсавета ў 1967 г. пастаўлены абеліск.
