Ражно́ва
Вёска на тэрыторыі Расонскага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.
Знаходзілася за 5 км на ўсход ад в. Гальніца Альбрэхтаўскага сельсавета. Перад вайной у вёсцы жыў 71 чалавек.
У час карнай аперацыі ў лютым 1943 г. гітлераўцы загубілі жыхароў (23 чалавекі, у т. л. 9 дзяцей), разрабавалі маёмасць і спалілі вёску (17 двароў).
Пасля вайны не адрадзілася.
Вёска ўвекавечана ў мемарыяльным комплексе «Хатынь».
