РЭПАЎШЧЫНА

Рэ́паўшчына

Вёска на тэрыторыі Браслаўскага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.

Знаходзілася за 2 км на поўдзень ад в. Замошша Ахрэмавіцкага сельсавета. Перад вайной у вёсцы жылі 96 чалавек.

У час карнай аперацыі ў лістападзе 1942 г. гітлераўцы загубілі 92 жыхары, знішчылі маёмасць, вёску (20 двароў) спалілі.

Пасля вайны не адрадзілася.

На магіле 83 ахвяр нацызму на месцы былой вёскі ў 1974 г. устаноўлены скульптура жанчыны-маці і сцяна з імёнамі пахаваных.

Вёска ўвекавечана ў мемарыяльным комплексе «Хатынь».