«ЗА СВОБОДУ»

«За свобо́ду» («За свабоду»)

Газета, орган Пліскага падпольнага райкама КП(б)‌Б Вілейскай вобласці ў час Вялікай Айчыннай вайны. Выходзіла ў 1943–1944 гг. на тэрыторыі Полацка-Лепельскай партызанскай зоны. Вядома 6 нумароў (№ 27–31 за 1943; № 34 за 1944) за перыяд з 10 верасня 1943 г. да 1 студзеня 1944 г. на беларускай (№ 27, 28) і рускай мовах. Рэдактар А. Ц. Васілеўскі.

Пасля вызвалення БССР выдавалася пад той жа назвай. З 1947 г. мела назву «Сцяг перамогі». Друкавалася як орган Пліскага райкама КПБ і раённага Савета дэпутатаў працоўных Полацкай (з верасня 1944), Маладзечанскай (з 1954) і Віцебскай (з 1960) абласцей. Выданне спынілася на № 34 за 25 красавіка 1962 г.