«ЗА СОВЕТСКУЮ РОДИНУ»

«За Сове́тскую Ро́дину»

Газета, заснавана ў 1932 г. (першы вядомы нумар — № 12 за 2.3.1934) пад назвай «Калгасны шлях» як орган Прапойскага райкама КП(б)‌Б і раённага Савета дэпутатаў працоўных Магілёўскай вобласці.

У час Вялікай Айчыннай вайны орган Прапойскага падпольнага райкама КП(б)‌Б. Выходзіла ў 1943 г. Вядомы 2 нумары за 12 і 25 верасня 1943 г. (№ 1, 2) на рускай мове. Рэдактар В. Я. Гапееў.

Пасля вызвалення БССР выдавалася пад даваеннай назвай. З красавіка 1962 г. па сакавік 1965 г. адбыўся перапынак у выданні газеты ў сувязі з рэарганізацыяй раёна. З красавіка 1965 г. мела назву «Ленінскае слова». Друкавалася як орган Слаўгарадскага райкама КПБ і раённага Савета дэпутатаў працоўных (Савет народных дэпутатаў з 1977).

З 2007 г. раённая газета, выходзіць пад назвай «Прысожскі край» 2 разы на тыдзень на беларускай і рускай мовах. Заснавальнік Слаўгарадскі раённы выканаўчы камітэт.