Мемарыяльны знак на месцы былой вёскі Залатое Дно Быхаўскага раёна Магілёўскай вобласці, знішчанай разам з жыхарамі нямецка-фашысцкімі захопнікамі ў час Вялікай Айчыннай вайны.
Залато́е Дно
Вёска на тэрыторыі Быхаўскага раёна Магілёўскай вобласці, знішчаная нямецка-фашысцкімі захопнікамі ў час Вялікай Айчыннай вайны.
Знаходзілася на поўнач ад чыгуначнай станцыі Тошчыца Навабыхаўскага сельсавета.
У час карнай аперацыі ў ліпені 1942 г. гітлераўцы загубілі аднаго жыхара, ўсіх працаздольных мужчын адправілі ў канцлагер, астатніх жыхароў (старых, жанчын і дзяцей) выгналі з вёскі, якую спалілі (10 двароў).
Пасля вайны не адрадзілася.
На месцы вёскі ў 1973 г. пастаўлены мемарыяльны знак.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Памяць: гісторыка-дакументальная хроніка Быхаўскага раёна / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
