СТАРОНКА

Старо́нка

Вёска на тэрыторыі Асіповіцкага раёна Магілёўскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.

Знаходзілася за 4 км на паўднёвы ўсход ад в. Старое Сяло Вяззеўскага сельсавета. Перад вайной у вёсцы жылі 168 чалавек.

Гітлераўскія карнікі ў 1943 г. (паводле розных звестак, у студзені, ліпені або ў жніўні) загубілі 101 жыхара і спалілі вёску (38 двароў).

Пасля вайны не адрадзілася.

На месцы, дзе раней знаходзілася Старонка, устаноўлена памятная стэла.

Вёска ўвекавечана ў мемарыяльным комплексе «Хатынь».