Шы́цікі

Вёска на тэрыторыі Віцебскага раёна Віцебскай вобласці, знішчаная нямецка-фашысцкімі захопнікамі разам з жыхарамі ў час Вялікай Айчыннай вайны.

Знаходзілася за 5 км на поўдзень ад в. Дразды Запольскага сельсавета. Перад вайной у вёсцы жылі 145 чалавек.

У час карнай аперацыі ў маі 1942 г. гітлераўцы загубілі 84 жыхары і спалілі вёску (38 двароў).

Пасля вайны не адрадзілася.

На месцы, дзе раней знаходзіліся Шыцікі, у 1965 г. устаноўлена стэла.

Вёска ўвекавечана ў мемарыяльным комплексе «Хатынь».