Помнік на месцы былой вёскі Альцы Пастаўскага раёна Віцебскай вобласці, знішчанай нямецка-фашысцкімі захопнікамі разам з жыхарамі.
А́льцы
Вёска на тэрыторыі Пастаўскага раёна Віцебскай вобласці, знішчаная нямецка-фашысцкімі акупантамі разам з жыхарамі ў гады Вялікай Айчыннай вайны.
Знаходзілася за 1,5 км на захад ад в. Малькавічы Дунілавіцкага сельсавета. Перад вайной у вёсцы жылі 93 чалавекі.
У час карнай аперацыі 19 студзеня 1943 г. гітлераўцы загубілі жыхароў (72 чалавекі) і спалілі вёску (21 двор).
Пасля вайны не адрадзілася.
У 1975 г. на месцы вёскі пастаўлена стэла. Вёска ўвекавечана ў мемарыяльным комплексе «Хатынь».
