Аржаву́хава
Вёска на тэрыторыі Віцебскага раёна, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 3 км на поўдзень ад в. Уласава Суражскага сельсавета. Перад вайной у вёсцы жылі 32 чалавекі.
Гітлераўцы 11 снежня 1942 г. загубілі жыхароў (23 чалавекі) і спалілі вёску (13 двароў).
Пасля вайны не адрадзілася.
Вёска ўвекавечана ў мемарыяльным комплексе «Хатынь».