Анто́наўка

Вёска на тэрыторыі Крычаўскага раёна Магілёўскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.

Знаходзілася ў Маляціцкім сельсавеце. Перад вайной у вёсцы жылі 115 чалавек.

У верасні 1941 г. гітлераўцы загубілі жыхароў (92 чалавекі), вёску (22 двары) спалілі.

Пасля вайны не адрадзілася.

На месцы пахавання ахвяр фашызму ў 2004 г. пастаўлена стэла. У 2017 г. у аграгарадку Маляцічы Крычаўскага раёна адкрыты помнік жыхарам Антонаўкі яўрэйскай нацыянальнасці, загубленым акупантамі.

Вёска ўвекавечана ў мемарыяльным комплексе «Хатынь».