ПАРТЫЗАНСКІ АТРАД А. СВЕНТАРЖЫЦКАГА

Партыза́нскі атра́д А. Свентаржы́цкага

Дзейнічаў у Вялікую Айчынную вайну на акупіраванай тэрыторыі ў Валожынскім і Івянецкім раёнах Баранавіцкай вобласці, Заслаўскім раёне Мінскай вобласці і Радашковіцкім раёне Вілейскай вобласці ў складзе Асобага злучэння партызанскіх атрадаў.

Створаны ў канцы ліпеня 1942 г. з жыхароў Івянецкага, Валожынскага раёнаў і партызанскай групы Я. Д. Васюціна.

У канцы верасня 1942 г. атрад (55 чалавек) расфарміраваны. Групы Я. Д. Васюціна і А. Свентаржыцкага да канца 1942 г. праводзілі баявыя аперацыі самастойна, потым уліліся ў партызанскую брыгаду імя В. П. Чкалава.

Камандзір атрада ў ліпені — верасні 1942 г. А. Свентаржыцкі.