«БОБРУЙСКИЙ ПАРТИЗАН»

Дата стварэння: 05.05.2023 11:12:45

Дата змены: 11.09.2024 14:18:04

Газета «Бобруйский партизан» — орган Бабруйскага падпольнага райкама КП(б)‌Б.

«Бобру́йский партиза́н»

Газета, заснавана ў лістападзе 1918 г. пад назвай «Известия Бобруйского революционного комитета». У 1919–1941 гг. мела назву «Камуніст». У перыяд з ліпеня 1939 г. па 23 чэрвеня 1941 г. выходзіла як орган Бабруйскага гаркама і райкама КП(б)‌Б, гарадскога і раённага Саветаў дэпутатаў працоўных Магілёўскай вобласці.

У час Вялікай Айчыннай вайны з’яўлялася органам Бабруйскага падпольнага райкама КП(б)‌Б. Выдавалася ў 752‑м партызанскім атрадзе В. І. Лівенцава (гл. Партызанская брыгада 1‑я Бабруйская) у 1942–1943 гг. Шрыфт і паліграфічнае абсталяванне былі вынесены з нямецкай друкарні г. Бабруйск групай падпольшчыкаў пад кіраўніцтвам П. М. Сцяржанава. Першы нумар газеты быў надрукаваны на самаробным друкарскім станку на лістах з вучнёўскага сшытка. Вядома 35 нумароў (№ 1–4 за 1942; № 5–35 за 1943) за перыяд з 7 лістапада 1942 г. да 29 снежня 1943 г. на рускай мове. Тыраж кожнага нумара складаў ад 500 экзэмпляраў у 1942 г. да 1 тыс. экзэмпляраў у сярэдзіне 1943 г. Рэдактар С. З. Крамнёў. Начальнік друкарні П. М. Сцяржанаў.

Пасля вызвалення БССР выдавалася пад назвай «Савецкая Радзіма». З 1954 г. выходзіла пад даваеннай назвай — «Камуніст». Са студзеня 1965 г. друкавалася ў якасці органа Бабруйскага райкама і гаркама КПБ, раённага i гарадскога Саветаў дэпутатаў працоўных (Саветы народных дэпутатаў з 1977).

З 1991 г. гарадская грамадска-палітычная газета, выходзіць пад назвай «Бабруйскае жыццё» адзін раз на тыдзень на беларускай і рускай мовах. Заснавальнік Бабруйскі гарадскі выканаўчы камітэт.

Літаратура

Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Регионы Беларуси. Могилёвская область: энциклопедия: в 7 т. Т. 6. Кн. 1: А—К / Редкол.: О. В. Ванина (глав. ред.) [и др.]. – Минск: Белорусская Энциклопедия имени Петруся Бровки, 2020.
Падпольныя перыядычныя выданні на Беларусі ў гады Вялікай Айчыннай вайны: Бібліяграфічны паказальнік / склад. В. С. Адамовіч. – Мінск: Дзяржаўная бібліятэка БССР імя У. І. Леніна, 1975.
Газеты Белорусской ССР, 1917–1975: библиографический указатель: в 2 ч. Ч. 1 / сост.: Л. К. Форостяная, К. М. Калугина, Д. Н. Катюшина. – Минск: Дзяржаўная кніжная палата БССР, 1984.
Подвиги их бессмертны: о подпольной борьбе советских людей в захваченных фашистскими оккупантами городах и сёлах Белоруссии в годы Великой Отечественной войны, 1941–1944 / сост.: Л. В. Аржаева, А. Б. Рогов. – Минск: Беларусь, 1978.
Газеты Беларусі 1776–1975: бібліяграфічны паказальнік / склад.: Л. М. Няхайчык, Ю. А. Ерашэвіч, В. Я. Бакуновіч. – Мінск: Нацыянальная кніжная палата Беларусі, 2003.
Лемешонок Д. М. Боевые спутники мои. – Минск: Беларусь, 1981.
Подпольные партийные органы Компартии Белоруссии в годы Великой Отечественной войны (1941–1944): краткие сведения об организации, структуре и составе / ред.: В. Н. Султанов, А. П. Костелецкая. – Минск: Издательство «Беларусь», 1975.
Памяць: гісторыка-дакументальная хроніка Бабруйска / Рэдкал.: В. П. Алімбачкаў [і інш.]. – Мінск: Вышэйшая школа, 1995.
Памяць: гісторыка-дакументальная хроніка Бабруйскага раёна / Рэдкал.: Г. П. Пашкоў (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1998.
І паўстаў народ...: факсімільнае выданне падпольных і партызанскіх газет, часопісаў, лістовак перыяду Вялікай Айчыннай вайны 1941–1945 гадоў / уклад.: А. В. Стэфановіч, В. А. Рабкоў. – Мінск: Беларуская Энцыклапедыя імя Петруся Броўкі, 2005.
Павлова С. А. Книга и чтение в жизни партизан Беларуси. – Минск: Белорусский государственный университет культуры и искусств, 2011.
Борисенко Н. С. Партизанские «друкары» Могилёвщины: и словом, и пулей! – Могилёв: Могилёвская областная укрупнённая типография имени Спиридона Соболя, 2020.
Подпольная и партизанская печать Беларуси: газеты, листовки, рукописные материалы, стенгазеты / сост.: А. В. Белый, В. Ю. Лысенко. – Минск: Национальная библиотека Беларуси, 2015. – 1CD-ROM.