ВАДАЁМЫ

Вадаёмы

Скопішча бяссцёкавых водаў або водаў з запаволеным сцёкам у натуральным або штучным паніжэнні зямной паверхні.

Вадаёмы ўтвараюцца пры наяўнасці на паверхні замкнёных катлавін і пры перавышэнні воднага патоку ў катлавіну над выпарэннем вады і яе фільтрацыяй у глебу.

Могуць быць пастаяннымі і часовымі, якія ўзнікаюць толькі ў мнагаводныя перыяды года.

Паводле хімічнага саставу і колькасці раствораных у вадзе солей вадаёмы падзяляюцца на салёныя і прэсныя. Фізічныя, хімічныя і біялагічныя працэсы ў вадаёмах працякаюць па-рознаму, у залежнасці ад таго, да якога тыпу яны адносяцца.