Канстанці́нава
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 1 км на паўднёвы захад ад в. Мотужы Асвейскага сельсавета. Перад вайной у вёсцы жылі 33 чалавекі.
У час карнай аперацыі «Зімовае чараўніцтва» ў лютым 1943 г. гітлераўцы загубілі 17 жыхароў і спалілі вёску (7 двароў).
Пасля вайны не адрадзілася.
На месцы вёскі ў 1982 г. устаноўлены памятны знак.
Вёска ўвекавечана ў мемарыяльным комплексе «Хатынь».
