Памятны знак на месцы знішчанай нямецка-фашысцкімі захопнікамі в. Аніськава Верхнядзвінскага раёна Віцебскай вобласці
Сімвалічныя магілы вёсак Аніськава і Верхняе Стунжава Верхнядзвінскага раёна Віцебскай вобласці на Могілках спаленых вёсак у мемарыяльным комплексе «Хатынь».
Ані́ськава
Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 2 км на поўнач ад в. Вознава Сар’янскага сельсавета. Перад вайной у вёсцы жылі 54 чалавекі.
У лютым 1943 г. у час карнай аперацыі «Зімовае чараўніцтва» гітлераўцы загубілі жыхароў (32 чалавекі; большасць спалілі жывымі) і спалілі вёску (12 двароў).
Пасля вайны не адрадзілася.
Магіла ахвяр фашызму знаходзіцца за 1,5 км на поўнач ад Вознава.
У 1982 г. на месцы, дзе былі спалены людзі, устаноўлены памятны знак — сімвалічны каркас печы. Вёска ўвекавечана ў мемарыяльным комплексе «Хатынь».
Збор помнікаў гісторыі і культуры Беларусі. Віцебская вобласць / Рэдкал.: С. В. Марцэлеў (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1985.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Нямецка-фашысцкі генацыд на Беларусі (1941—1944) / Рэдкал.: У. М. Міхнюк (старшыня) [і інш.]. – Мінск: БелНДЦДААС, 1995.
Памяць. Беларусь. Рэспубліканская кніга / Рэдкал.: Б. І. Сачанка (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1995.
Памяць: гісторыка-дакументальная хроніка Верхнядзвінскага раёна: у 2 кн. Кн. 2 / Рэдкал.: У. С. Богаў [і інш.]. – Мінск: Палiграфафармленне, 2000.
Хатынский некрополь: документы и материалы / Редкол.: В. И. Адамушко [и др.]. – Минск: Национальный архив Республики Беларусь, 2014.
