Помнік жыхарам вёсак Вяда і Тупічыцы, якія знаходзіліся на тэрыторыі сучаснага Івацэвіцкага раёна Брэсцкай вобласці і былі знішчаны гітлераўцамі разам з насельніцтвам 15 верасня 1942 г. у час Вялікай Айчыннай вайны.
Вя́да
Вёска на тэрыторыі Івацэвіцкага pаёна Брэсцкай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.
Знаходзілася за 4 км на паўночны захад ад в. Бабровічы Целяханскага сельсавета, на беразе возера Бабровіцкае.
Перад вайной у вёсцы жылі 217 чалавек.
У час карнай аперацыі «Балотная ліхаманка» 15 верасня 1942 г. гітлераўцы загубілі 217 жыхароў і спалілі вёску (87 двароў).
Пасля вайны не адрадзілася.
Недалёка ад былых вёсак Вяда і Тупічыцы ў памяць аб жыхарах гэтых населеных пунктаў, якія ў адзін дзень загінулі ад рук нацысцкіх карнікаў, устаноўлены 2 стэлы.
Вёска ўвекавечана ў мемарыяльным комплексе «Хатынь».
Пашкевіч Іван Мікалаевіч (1928–1986), жыхар вёскі Вяда, у час трагедыі пасвіў жывёлу непадалёк ад населенага пункта, і таму застаўся жывы. Усе яго родныя былі забіты карнікамі. З 24 сакавіка да 26 ліпеня 1944 г. І. М. Пашкевіч быў юным партызанам атрада імя А. Ф. Баруцкага партызанскай брыгады імя В. У. Куйбышава, якая дзейнічала ў Пінскай вобласці. Пасля вайны служыў у Савецкай арміі. У 1985 г. узнагароджаны ордэнам Айчыннай вайны ІІ ступені.
Адамовіч А. М. Я з вогненнай вёскі… / А. М. Адамовіч, Я. А. Брыль, У. А. Калеснік. – Мінск: Мастацкая літаратура, 1983.
Свод памятников истории и культуры Белоруссии. Брестская область / Редкол.: С. В. Марцелев (глав. ред.) [и др.]. – Минск: Белорусская Советская Энциклопедия имени Петруся Бровки, 1990.
Беларусь у Вялікай Айчыннай вайне, 1941–1945: энцыклапедыя / Рэдкал.: І. П. Шамякін (гал. рэд.) [і інш.]. – Мінск: Беларуская Савецкая Энцыклапедыя імя Петруся Броўкі, 1990.
Памяць. Беларусь. Рэспубліканская кніга / Рэдкал.: Б. І. Сачанка (гал. рэд.) [і інш.]. – Мінск: Беларуская Энцыклапедыя імя Петруся Броўкі, 1995.
Хатынский некрополь: документы и материалы / Редкол.: В. И. Адамушко [и др.]. – Минск: Национальный архив Республики Беларусь, 2014.
Сожжённые деревни Белоруссии, 1941–1944: Документы и материалы / Редкол.: В. И. Адамушко [и др.]. – Москва: Фонд «Историческая память», 2017.
Без срока давности. Беларусь: преступления нацистов и их пособников против мирного населения на оккупированной территории БССР в годы Великой Отечественной войны. Брестская область: Сборник архивных документов и материалов / Редкол.: А. К. Демянюк [и др.]. – Минск: Национальный архив Республики Беларусь; – Москва: Фонд «Историческая память», 2022.
