Гваздо́ва

Вёска на тэрыторыі Верхнядзвінскага раёна Віцебскай вобласці, знішчаная нямецка-фашысцкімі акупантамі разам з жыхарамі ў час Вялікай Айчыннай вайны.

Знаходзілася за 2 км на паўднёвы захад ад в. Рудня Дзёрнавіцкага сельсавета. Перад вайной у вёсцы жылі 82 чалавекі.

У час карнай аперацыі «Зімовае чараўніцтва» ў лютым 1943 г. гітлераўцы загубілі 51 жыхара і спалілі вёску (22 двары).

Пасля вайны не адрадзілася.

На месцы былой вёскі ў 1983 г. устаноўлена стэла. Вёска ўвекавечана ў мемарыяльным комплексе «Хатынь».